بيكار ..

افتح شبابيك الأمل، و بص  ع الدنيا و طل
و قول يا صباح الهنا، يا صباح الريحان و الفل
و ادعي من صميم قلبك، و اطلب النعيم للكل
ده صاحب القلب الكبير، مايرضاش لغيره الذل..

* * * * *

 

يا اللي بتسأل عن الحب، الحب عطف و أدب

الحب مهره غالي، مايتوزنش بالفضة و الدهب

إن كنت عايز تعرف، شوف الفراش و أمره العجب

من كتر حبه للنور، بيترمي في حضن اللهب..

* * * * *

الأرض فرشتي و السما غطايا و لحافي
و رمل الأرض بساطي اللي بمشي عليه و أنا حافي
و قطر الندي خمري أشربه م المنبع الصافي
أنا ابن الطبيعة في عروقي بيجري دمها الدافي
أنا ابن الحرية اللي زيها في الوجود ما في..

حسين بيكار
-الرسم بالكلمات